Gimli fasteignasala og Herdís Valb. kynna snoturt og eftirsótt 106,3 fm parhús á tveimur hæðum auk bílskúrs að Fáfnisnesi 7, 102 Reykjavík.
Eignin skiptist í : Forstofu/hol, stofu, borðstofu, eldhús, 3-4 herbergi (bílskúr er nýttur sem tómstundarherbergi auk þess er búið að stúka af sjónvarps/skrifstofuherbergi í stofu og geymsla á neðri hæð er með glugga), baðherbergi og litla geymslu undir stiga. Fínar suð-austur svalir og góður garður. Eignin er skráð 106.3 fm að meðtöldum 18.8 fm bílskúr. Nánar tiltekið eign merkt 02-01, fastanúmer 202-9613 ásamt öllu því sem eigninni fylgir, þar með talið tilheyrandi lóðar og sameignarréttindi.

Smelltu hér fyrir söluyfirlit
Nánari lýsing á eign:
Neðri hæð auk bílskúrs er skráð (41.2 fm + 18.8 fm) 60 fm. Anddyri: Harðparket er á gólfi og geymsla undir stiga. Herbergi I: Harðparket á gólfi og eldri fataskápar. Herbergi II (skráð sem útigeymsla skv. teikningu): Harðparket á gólfi. Bílskúr: Er skráður 18,8 fm en þaðan er innangengt í léttstúkaða geymslu í enda bílskúrs. (Í geymslunni hefur verið útbúið baðherbergi en óheimilt er að nýta sem baðherbergi þar leyfi hefur ekki fengist fyrir þeirri framkvæmd. Þetta rými er því selt sem geymsla). Baðherbergi: Hvít innrétting, flísar í hólf og gólf og baðkari. 
Efri hæð skráð 46,3 fm. Efri hæðin er björt og rúmgóð og með aukinni lofthæð. Stofa, borðstofa og eldhús eru í opnu og aðliggjandi rými með harðparketi á gólfi. Eldhús: Falleg hvít eldhús innrétting með góðu skápaplássi og hreyfanlegri eyju.  Sjónvarpsstofa: Hefur verið útbúin með léttum vegg og þaðan er útgengi út á suð- vestur svalir.
Samkvæmt upplýsingu frá seljanda þá hafa gluggar verið endurnýjaðir að hluta, gler sett í svalahurð, þak og svalir málaðar árið 2023 og árið 2020 voru raflagnir endurnýjaðar að hluta. Skipulag eignar er ekki samræmi við samþykktar teikningar.
* Húsið þarfnast múrviðgerðar og endurnýjun á einhverjum gluggum og glerjum
Niðurlag: Virkilega fallegt og rúmgott parhús á eftirsóttum stað í Reykjavík.
Nánari upplýsingar veitir: Herdís Valb. Hölludóttir, Löggiltur fasteignasali, í síma 694-6166, eða tölvupóst [email protected]

Gimli er ein af elstu starfandi fasteignasölum landsins, stofnuð 1982 og fagnaði því 40 ára starfsafmæli á árinu 2022. Leiðarljós Gimli er heiðarleiki og traust. Gimli, gerir betur...
Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 
Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 
Gjöld sem kaupandi þarf að standa straum af vegna kaupanna:Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.Þinglýsingargjald hvers skjals er kr. 2.700,- .Lántökugjald lánastofnunar skv. gjaldskrá viðkomandi lánveitanda.Umsýsluþóknun fasteignasölu skv. gjaldskrá.Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.